Blogak eta garagardoak - Blogari euskaldunen lehen topaketa April 17, 2005

Blogs & Beers elkarretaratzeak egiten dituzte munduko blogariek, beren blogosferako kontaktu digitaletatik munduan benetan elkartzera igarotzen direnean. Espainian txat-zaleek kedada antolatzen duten bezala, ba blogariek, blogistek, hau antolatzen dute.

Hortaz, euskaldunon blogosferako lehen Blogs and Beers antolatzeko deia da hau. Blog euskalduna dugunok, elkar ezagutzeko eta elkarrekin egoteko aukera bat. Ez besterik.

Blogak eta Garagardoak izenaren inguruan, badaude iritzi kontrajarriak dagoeneko. Batzuen ustez, euskaldunok BST antolatu beharko genuke: Blogak, Sagardoa eta Txakolina.